Русија нема да има свои претставници во атлетика на Олимпијадата во Рио, откако Меѓународната асоцијација на атлетски федерации (ИААФ) ги отфрли сите барања на руските атлетичари за преиспитување на одлуката за нивна суспензија.
Според соопштението на Олимпискиот комитет на Русија, можно е само Дарија Клишина да се појави во дициплината скок во далечина, но како неутрална натпреварувачка.
Евгениј Трофимов, тренерот на Јелена Исинбаева, шампионката во скок со стап најави жалба до судот во Лозана.
– Ќе се жалиме до Судот за спортска арбитража во Лозана за да ги браниме правата на нашите атлетичари. Нашите адвокати се подготвени за спорот, изјави Трофимов.
Меѓународната атлетска федерација во ноември минатата година ги суспендираше сите руски атлетичари поради наводен системски допинг спонзориран од страна на државата.