Македонската кошаркарска репрезентација составена од играчи до 16 години синоќа загуби од соодветната репрезентација на Русија со 89:67.
Русите доминираа во првото полувреме кое го решија во своја корист со 21 поен разлика (53:32), доволно за рутинирано второ полувреме и убедлив триумф на крајот.
На другиот натпревар од трунирот што се одржува во СРЦ „Кале“ во Скопје, Турција беше поуспешна од Бугарија со 82:58.
Денеска први програмата ја отвораат Русија и Бугарија со нивниот меѓусебен дуел од 18 часот, а потоа, од 20:30 часот играат Македонија и Турција.
Меѓународниот турнир во салата на Вардар под Кале за МКФ е генерална проба пред организацијата на Европското првенство дивизија Б кое од 29 јули до 8 август ќе се одржи во Скопје.