Во Законодавниот дом, денеска без опозиција во салата, власта ќе дебатира и ќе гласа за Предлогот за основање нов Универзитет во Скопје „Дамјан Груев“.
По скратена постапка и дополнет со три факултети Предлогот влегува повторно во Собранието.
Од СДСМ велат дека предлогот влегува во процедура додека тие ги имаат замрзнато активностите во Собранието и за нив ова е незаконско работење.За СДСМ, новиот Универзитет ќе се отвори само за вработување на нови партиски кадри. Тие прашаа како без предвиден буџет ќе се основа новиот универзитет.
Иако во предлог-законот за основање на Универзитетот „Дамјан Груев“ нема приложено колкава сума на пари ќе се одвои од буџетот на државата, сепак од владејачката партија велат дека пари за Универзитетот има, а како една од причините за отворањето на новиот Универзитетот е за да се спречи монополот кој го има најстариот универзитет во државата Свети Кирил и Методиј.
Вчера без учество на опозицијата, по скратена постапка беа изгласани вкупно 9 закони. Од опозицијата се со со став дека нема да се вратат во Собранието се додека Уставниот суд не одлучи за уставноста на Специјалното јавно обвинителство.
Пратениците треба да расправаат и за Предлог законот за дополнување на Законот за јавните набавки, по скратена постапка, и за предложените измени и дополнувања на законите за земјоделство и рурален развој, за полиција, за внатрешни работи, за пензиското и инвалидското осигурување, за здравственото осигурување и за минерални суровини, по скратена постапка, а ќе заседаваат и 5 комисии