Учеството на протераниот владика од МПЦ, Јован, на Соборот што се одржува на Крит, Грција, е интерес на грчките медиуми како и обраќањето до него од Вселенскиот патријарх Вартоломеј.
Медиумите посебно ги истакнуваат зборовите на вселенскиот патријарх Вартоломеј, којшто од името на сите претстоители што учествуваат на Светиот и Велик Собор, ги упати кон Јован, велејќи: „Ве ставија во затвор и истрајавте! Ви благодариме што останавте верен на Православието! Ви благодариме што останавте верен на канонскиот поредок“!
Јован, како што пренесуваат истите медиуми, имаше учество во работната сесија, која ја третираше темата – автономијата во Православната црква.
“Објаснувајќи ја положбата на канонската Православна црква во Македонија, Православната охридска аАрхиепископија, и проблемот со расколот на МПЦ, архиепископот охридски Јован го поддржа текстот за автономијата и побара во него да не се прават никакви измени, затоа што тој текст целосно точно ги третира сите прашања поврзани со автономијата на една Црква, пишуваат грчките медиуми.