Основниот суд во Струга денеска ги изрече пресудите во повторениот судски процес за случајот „Пливалиште“.
Од тројцата претходно обвинети, Судот на првообвинетиот Цвете Вранишкоски му изрече казна затвор во траење од три години, додека Климе Миладиноски и Гоце Јанески се ослободени од обвиненијата.
Образложението за првообвинетиот, е дека инсталацијата во спорниот шанк не била соодветно поставена.
Постапката за другите двајца, кои се ослободени од обвиненијата, не се водела според точно утврдени докази, туку само според претпоставки.
Трагичниот настан на отворениот шанк во комплексот „Пливалиште“ во Струга се случи на 11-ти септември 2010 година, кога поради необезбеден кабел настрадаа стружаните Јосиф Докоски, Киро Ѓоргоноски и Јонче Кувенџиески.