„СДСМ вчера, до јавното обвинителство, поднесе кривична пријава, поврзана со скандалот во „Телеком“, поради сомневања за поткуп на високи владини функционери, како и оделни политички партии , во периодот од 2005-2006 година.
– Се работи за веќе докажан криминал од американските правосудни власти, за кои се изведени прецизни и јасни докази, а за што „Дојче Телеком“, склучи вонсудска спогодба за отштета од 95 милиони долари.
– СДСМ вчера кривичната пријава ја поднесе против непознат сторител и наместо одговор од јавното обвинителство или МВР, експресен одговор добивме од владејачката ВМРО-ДПМНЕ, во чија реакција се посочуваат имињата на Владо Бучковски и Димитар Бузлевски.
– Она што сакаме денес да прашаме е следното:
– Дали ова значи дека она што за нас е непознат сторител, за владејачката партија се познати сторители во скандалот “Телеком“ и затоа располагаат со докази?
– Ако е така, зошто тогаш правосудните органи, Јавното обвинителство и МВР, кои се под целосна контрола на оваа партија, досега не преземаа никави активности и не иницираа истражна постапка, во насока на расчистување на овој скандал ?
– Дали причинита за очигледното одолговлекување и заташкување на овој случај, е фактот што постои сомнеж дека дел од оваа афера е и партиската фирма на ВМРО ДПМНЕ „Аналитико АИ“?
– Или се точни се погласните шпекулации во јавноста, дека токму со вакви случаи, од страна на ВМРО ДПМНЕ се врбуваат поединци уценети со кривични пријави и со одложување на судски процеси, за да одработуваат сценарија, со кои треба да нанесат штета на опозицијата“, изјави Андреј Петров.