Четири турски авиони Ф-16, три авиони за поморска соработка и шест хеликоптери вчера влегле во грчкиот воздушен простор без да поднесат планови за лет, јави дописникот на МИА од Атина.
– Регистрирани се 18 повреди на правилата на летање во атинскиот водушен простор, кои се развија во 42 прекршувања на грчкиот воздушен простор во неколку делови на Егејското Море, јавуваат грчките медиуми повикувајќи се на армиски извори.
Во сите случаи, турските авиони биле пресретнати од страна на грчки борбени авиони.
Турската воздушна активност е дел од воздухопловната вежба „Бејаз Фиртина“, која се одржува во меѓународните води на Егејското Море.