Кавадарчанец бил физички нападнат од неговата сопруга, која во налет на бес, го гризнала за палецот.
Како што соопшти полицијата, настанот се случил во сабота околу 17.45 часот, во канцеларија на приватна фирма во Кавадарци, З.И.(41) влегла и започнала со разни предмети да фрла по Т.И.(46). Притоа, тој бил погоден во пределот на главата и телото, а во еден момент бил гризнат на палецот од левата рака. Т.И., со цел да го одбие нападот, ја турнал неговата сопруга.
На Т.И. му била укажана лекарска помош во ЈЗУ, додека З.И. била лишена од слобода и со истата бил извршен разговор, по што поднела пријава против нејзиниот сопруг за сторено кривично дело „телесна повреда“.
Се преземаат мерки за целосно расчистување на случајот.