Екипата на Вардар е освојувач на шампионската титула во кошаркарското првенството на Македонија за играчи до 20 години.
Младите кошаркари на Вардар по трет пат во финалната серија го совладаа големиот ривал Карпош Соколи со 66:62 и со максимални 3-0 во победи стигнаа до шампионската титула.
„Црвено-црните“ без ниту еден пораз во плеј-офот, во полуфиналето против МЗТ Скопје и во финалето со Карпош Соколи заслужено го освоија трофејот.
Вардар доминираше и во регуларниот дел од шампионатот и во 18 одиграни кола загуби само две средби.