Во рамки на посетата на Катар, заменик претседателот на Владата на Република Македонија задолжен за европски прашања Теута Арифи оствари средба со емирот на Катар шеикот Хамид бин Калифа Ал-Тани.
За време на средбата, како што соопшти денеска Секретаријатот за европски прашања, се разговарало за зајакнување на билатералната соработка меѓу двете земји особено во сфери како што се образованието, културата и економијата при што била подвлечена поддршката на Катар за повеќе проекти во Македонија во овие области.
Вицепремиерката Арифи се осврнала и на реформите кои се спроведуваат во Македонија во насока на подобрување на животниот стандард за сите граѓани.
Во рамки на посетата на Катар, Арифи ќе се обрати и на реномираниот Светски самит за иновации во образованието кој се одржува од денеска до 15 овој месец во Доха, а се организира со цел да се поттикне дебата за унапредување на образовниот процес преку иновациите.