Руското Министерство за надворешни работи го осуди денешното гранатирање на Конзулатот на Русија во сирискиот град Алепо, нарекувајќи го терористички напад.
Русија верува дека нападот го извеле припадници на Ал Нусра фронтот.
– Во нападот никој не е повреден. Една граната падна на подрачјето на Конзулатот, а уште три експлодираа во непосредна близина на оградата, се наведува во соопштението на руското МНР.
Во јануари 2013 година сите руски дипломати заминаа од Алепо, а Конзулатот го чуваат сириски граѓани.