Министерот за внатрешни работи Оливер Спасовски денеска потврди дека синоќа од Србија во Македонија е екстрадиран новинарот и сопственик на интернет порталот „Буре весник“ Зоран Божиновски.
Новинарот Божиновски беше уапсен вчера во Нови Сад, врз основа на меѓународна потерница која беше распишана против него во ноември 2013 година, како осомничен во случајот „Шпион“.
Според обвиниението, Божиновски се товари за злосторничко здружување, шпионажа и уцена според Кривичниот законик на Република Македонија.