Започнува работната сесија на Мешовитиот заеднички комитет во Европскиот парламент . Со 10. состанок претседаваат германскиот европратеник Јоргос Шацирмакакис и македонскиот парламентарец Кенан Хасипи. Освен Хасипи, како дел од македонската делегација се и пратениците Андреј Петров, Силвана Бонева, Антонио Милошоски, Арбен Љабеништа и Зијадин Села.
На состанокот излагања ќе имаат министерот за надворешни работи Никола Попоски и Фернандо Џентилини од Советот на ЕУ, како и Александра Кас-Грање директор на Директоратот при Европската комисија, задолжен за Македонија.
Мешовитиот парламентарен комитет вообичаено се состанува два пати годишно и разгледува актуелни прашања од евроинтеграцијата и меѓусебните односи, упатува препораки за натамошни активности до македонските и европските институции.
Предвидена е размена и на мислења за реформите во областите опфатени со Пристапниот дијалог на високо ниво, за економските состојби, регионалното управување со отпад и алтернативни извори на енергија.