Секторот за внатрешни работи – Велес вокоординација и соработка со Државниот инспекторат за земјоделство и ЗСР „Бабуна“ од Велес во заедничка акција за контрола на незаконит риболов на реката Бабуна затекнаа три лица кои напавиле брана од гранки и трња со цел да фаќаат риба скобал, а која е во периодот на мрестење.
Портпаролот Анита Стојковска, денеска информира дека на лице место е пронајден патнички автомобил марка „форд ескорт“ и истиот е однесен во Полициска станица. По целосно документирање на настанот од страна на Државниот инспекторат за земјоделство ќе биде поднесе соодветен поднесок.
Таа додде дека едно од трите лица кои се затекнати при незаконитиот риболов е полициски службеник од ПС Велес, за кого веќе е започната постапка во СВР – Велес во која е вклучен и Секторот за внатрешна контрола и професионални стандарди при МВР.
Како што информираат од СВР Велес, поради скоро отпочнување на забрана за риболов на реките, надлежните институции и во наредниот период ќе вршат вакви контроли,се со цел за сузбивање на незаконитиот риболов.
