Солидна финансиска компензација бараат роднините на удавените Бугари од бродот “Илинден” во Охрид. Тие покренаа граѓанска тужба за 5 милиони евра (10, 5 милиони лева) соопштија адвокатите ангажирани од роднините на удавените за бугарската агенција БТА. 15-те Бугари загинаа при потонувањето на бродот “Илинден” пред три години во Охридското Езеро.
Барањето е против осигурителните компании “Алијанс Ферзихерунг” и “Германишер Лојд”. За материјалните штети дел од роднините сакаат уште околу 35 илјади евра (70. 000 лева).
Во побарувања поднесено пред Софискиот окружен суд се запишани и параметрите на бродот “Илинден” кој потонал на 5 септември 2009 година. Според нив, капацитетот на пловилото во моментот на инцидентот било 35 лица, а при потонувањето имало 53-ца патници.
Според Договорот за правна помош меѓу Бугарија и Македонија од 2002 година земјата ги признава граѓанските пресуди на македонски судови.
Адвокатот на роднините на загинатите побарал од Софискиот окружен суд да назначи експертиза која ќе и се додели на Агенција “Морска администрација”, која треба да прецизира каква е причината и кој ја сноси одговорноста за потонувањето на бродот.
Досега роднините добиле по 4 500 евра за претрпените стравови.