Две големи дерби средби ќе го одбележат редовното 24.коло во Првата македонска кошаркарска лига.
Во СЦ „Јане Сандански“ вечер од 19 часот е дуелот на вечните ривали, МЗТ Скопје Аеродром и Работнички. Тренерот на Работнички, Марин Докузовски има проблем со повредата на окото на најдобриот кошаркар искусниот центар Ѓорѓи Чековски. МЗТ Скопје е фаворит во вечното дерби, но претходниот дуел покажа дека на вакви дуели не секогаш одлучуваат квалитетите на тимот.
Второто дерби е директната пресметка за втората позиција на табелата меѓу Куманово и Карпош Соколи која се игра утре од 19 часот во салата во Куманово.
Во другите две средби од оваа рунда, вечерва во Гевгелија последно пласираниот Бест го пречекува фаворитот Фени Индустри, а утревечер Струмица му гостува на Кожув.
Табела: МЗТ Скопје Аеродром 21-2 (победи-порази), Карпош Соколи 17-6, Фени Индустри 15-8, Куманово 15-8, Работнички 10-13, Кожув 10-13, Струмица со 4-19, Бест 0-23.