СДСМ: Ставрески нека каже за оние стотици милиони евра во шемите со Груевски

Од:

„Кумот на Никола Груевски, министер за финансии Зоран Ставрески, со години ги потценува домашните претпријатија со по 2 евра годишно државна помош.

Ставрески може да зборува само за стотиците милиони евра пари што тој и кумашинот Груевски ги одзедоа на граѓаните за виртуелни странски инвеститори, што или никогаш не отворија фабрики, или ги искористија, дел од нив во сомнителни шеми со власта, ги оставија работниците на улица и си заминаа.

Ставрески им ја должи на граѓаните точната бројка на тие стотици милиони евра.

Кумската врска Груевски – Ставрески е егзекутор на домашните претпријатија во Македонија.

Најмалку 10.000 домашни претпријатија се затворени.

Повеќе од 8.000 чекаат да бидат избришани од евиденцијата во Централен регистар.

Секоја трета фирма е со блокирана сметка.

Секојдневно домашните претпријатија, мали дуќанчиња и фирми што заработуваат за парче леб, мали и средни претпријатија, се соочуваат со казни во илјадници евра и клуч на врата.

Со последните измени на Законот за додадена вредност, власта го намали прагот за регистрација на правните и физички лица од 2 милиона денари на 1 милион денари, со што даночни обврзници станаа и малите фирми и физички лица.

Ова е грижата на Ставрески и Груевски за малите и средни претпријатија од чиишто каси влечат пари до нивен банкрот, само за да ја полнат празната буџетска каса од којашто ги одлеваат народните пари во фирми со контроверзно потекло, сомнително поврзани со фамилијата.

Нервозни се Ставрески, Груевски и ВМРО-ДПМНЕ зашто во се што упропастија ја гледаат сопствената пропаст.

Не им помагаат предизборни нарачани интервјуа во медиумите под контрола.

Граѓаните ќе ги казнат расипничките политики на братучедско – кумската власт.

Доаѓа и нова одговорна влада предводена од СДСМ којашто преку вистинска грижа и чесна економска политика ќе ги крене и стабилизира домашните претпријатија. За таа цел, во Програмата на СДСМ се предвидени од 20-50 милиони евра државна помош годишно, или вкупно 140 милиони евра. Ова ќе придонесе за здрав и реален економски раст и реални вработувања за граѓаните. СДСМ во Програмата предвидува и праведни даноци со што ќе допринесе во развојот на малите и средни претпријатија, коишто ќе бидат двигател на економијата во земјата“, велат од СДСМ.

Би можело да ве интересира

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

ВМРО-ДПМНЕ: СДС е спотер, а сватот на Али Ахмети акционер

(ВИДЕО) Поповиќ: Мицкоски е во паника за Алта банка – по моделот на Вучиќ сака да ја замолчи опозицијата