Денис Хелмс (22) од Калифорнија добила отказ бидејќи на Фејсбук го нарекла Барак Обама „црнчиште“ и напишала дека се надева како за време на вториот мандат некој ќе го убие.
Во интервју за локалната телевизија во Сакраменто таа повторила дека би се радувала ако некој изврши атентат над Обама, по што завршила под истрага на тајните служби.
Хелмс коментарот на Фејсбук го оставила кратко по прогласувањето на изборната победа на Обама на претседателските избори. На локалните медиуми не им требало многу за да го воочат расистичкиот испад, по што девојката добила и отказ од работа.
Директорот на продавницата во која таа работела веднаш и рекол дека веќе не мора да доаѓа на работа. Нејзините коментари на Фејсбук тој ги окарактеризирал како „гадни“.