Телекомуникацискиот оператор „Blizoo“ денеска во продажниот салон во ГТЦ ја прослави првата година од работењето на македонскиот пазар. Првиот роденден, истовремено со низа настани беше одбележан во трите продажни салони низ Скопје.
Посетителите добија подароци, а новите корисници кои потпишаа договор на 24 месеци, добија на подарок 50% попуст за користење на услугите за ТВ, интернет и телефонија.
Главниот извршен директор на „Blizoo“ Кирил Трендафилов оцени дека за една година направиле повеќе од очекуваното и планираното.
Ги намаливме цените и ја зголемивме конурентноста во телекомуникацискиот сегмент. Изминативе две години, ивестиравме над 7 милиони евра во надградба на мрежата. Меѓу другото, успеавме да се позиционираме на третото место на листата на најбрзо растечки компании, како и на дваесеттото место на листата на најуспешни компании во Македонија, рече Трендафилов.
„Blizoo“ е телекомуникациски оператор чии услуги се достапни во Скопје, Тетово, Куманово, Велес, Штип и Прилеп.