Шпанскиот актер Хавиер Бардем доби своја ѕвезда на патеката на славните во Холивуд во Лос Анџелес, пред американската премиера на најновиот филм за Џејмс бонд “Skyfall”, во кој го толкува ликот на главниот негативец.
Изјави дека никогаш не помислувал дека ќе му биде укажана таква чест. Има 43 години и е добитник на повеќе награди за своите остварувања.
Режисерот Сем Мендес му ја доверил улогата во филмот “Skyfall”, најдолгиот филм за Џејмс Бонд, чија светска премиера беше на 26 октомври.