Генералниот секретар на ОН, Бан Ки-мун ги посети мировните сили во Либан и оствари средба со либански лидери.
Бан изјави дека зголемувањето на бројот на сириски бегалци ги отежнува економските и социјалните проблеми на државата.
– Тука сме за да најдеме решенија што може да му помогнат на Либан за да се справи со кризата, изјави Бан на прес конференција со либанскиот премиер Тамам Салам.
Претходно, тој го посети главниот штаб на мировните сили на ОН во Либан. На прес конференцијата со либанскиот премиер во Бејрут, Бан го осуди вчерашниот напад на ИД на границата со Сирија кога загина еден војник, а тројца беа ранети.