Екипата на ООУ „Лазо Ангеловски“ го освои првото место на Државното првенство во кошарка за основни училишта за машки и се закити со титулата државен првак.
Во финалето играле екипите на ООУ „Лазо Ангеловски“ и ООУ „Видое Подгорец“ од Струмица. Натпреварот завршил со со резултат 31:53 за учениците од ООУ „Лазо Ангеловски“.
Како што се наведува во соопштението на општина Аеродром, во текот на целото првенство, кое се одржа изминатиот викенд, кошаркарите од основното училиште „Лазо Ангеловски“ биле без ниту еден претрпен пораз.