Власта сама, без опозицијата, на мускули ги изгласа новите изборни правила. Опозицијата реагира обвинувајќи дека мнозинството бега од прецизна изборна регулатива која ќе овозможи фер и демократски избори. Во измените, рече Игор Ивановски, нема ништо од препораките на ОБСЕ и ОДИХР и се тапија за притисок, уцена и фалсификат на власта. Тоа ќе овозможи корумпирање и на гласачите и на медиумите.
„Измените се направени по мерка на ВМРО-ДПМНЕ. Ги повикуваме да ги прифатат предлог измените поднесени од опозицијата. Во спротивно ќе се потврди сомневањето дека власта се плашу од фер соочување.
– Не сакаме власта да биде сменета на поинаков начин освен на фер избори. Власта се бори за голо спасување на кожата на одредени поединци. Кој ќе победи, ќе одлучи народот“, изјави Игор Ивановски.