Кошаркарите на Работнички забележаа очекувана победа со 80-65 во дуелот со Струмица, во воведниот натпревар од 20.коло на Првата македонска лига.
На средбата одиграна попладнево во салата „Градски парк“ во Скопје, домаќините до победата ги предводеа ветераните Диме Тасовски кој покрај 27-те поени имаше и 7 скокови и Ѓорѓи Чековски со 14 поени, 5 асистенции и 4 скокови.
За утре во терминот од 18 часот закажани се два натпревара. Во Кавадарци, екипата на Фени Индустри го пречекува второ пласираниот Карпош Соколи, додека во Гевгелија се игра градското дерби меѓу Бест и Кожув.
Колото ќе биде заокружено во вторник (20 часот) со средбата меѓу минатогодишните финалисти МЗТ Скопје Аеродром и Куманово.
Табела: МЗТ Скопје Аеродром 36 бодови (19), Карпош Соколи 34 (19 натпревари), Куманово 32 (19), Фени Индустри 30 (19), Работнички 30 (20), Кожув 28 (19), Струмица 24 (20) и Бест 19 (19).