Регионалното еколошко друштво „Еко-живот” од Кавадарци организира натпревар во изработка на уметнички дела од рециклиран материјал од страна на ученици, информираше денеска Роберто Паризов, претседател на друштвото.
– Натпреварот е начин својата умешност да ја претстават ученици од основните и средните училишта од неколку општини во Тиквешкиот регион кои патем учат и за материјалите кои можат да се рециклираат, како дрво, стакло, пластика и слично, појасни Паризов.
За најдобрите изработки следуваат пофалници и награди.
Паризов нагласи дека целта е да се подигне еколошката свест на едно повисоко ниво и затоа на натпреварот ги повика да учествуваат сите вистински вљубеници во природата и чистата и здрава животна средина.