Лидерот на Алијанса за иднината на Косово, Рамуш Харадинај изјави дека денешните акции на опозициските пратеници се резултат на невнимателно и противуставно однесување на косовската Влада и дека опозициските партии ќе останат обединети и нема да дозволат неколкумина да одлучуваат за колективната судбина.
– Два договори со кои е прекршен косовскиот Устав и кои го поткопуваат суверенитетот и територијалниот интегритет на земјата нема да бидат одобрени, напиша Харадинај на Фејсбук.
Тој наведе дека опозициските партии ќе бидат обединети во своите напори и ќе го поддржат владеењето на правото и борбата против секаков вид на корупција.
Опозицијата денеска ја блокираше работата на Парламентот со фрлање на солзавец и со полевање на вода на премиерот Иса Мустафа.