Акција за собирање кабаст отпад: мебел, опрема од купатила, бела техника, електронски апарати, на 11 и 12 март ќе организира Општина Гази Баба и ЈП Комунална хигиена за граѓаните од урбаниот дел на територија на општината. Акцијата за подигањето на отпадот ќе биде од пред нивните домови без надомест.
Акцијата ќе биде спроведена од 7 до 11 часот, во текот на двата дена.
На 11 март ќе бидат опфатени Автокоманда, Железара, Ќерамидница и Вардариште, а на 12 март Маџари1, Маџари 2, Триангла, Хиподром и Ченто.
Од општината информираат дека сите граѓани кои ќе фрлаат отпад по 11 часот на одредените датуми ќе бидат санкционирани од страна на инспекциските служби на општина Гази Баба.