„Неколку изминати денови, битолската јавност е преукопирана со отчетот на локалната власт, предводена од градоначалникот Владимир Талевски. Луксузно печатено издание, уште поскапа хартија и дизајн, кој остава впечаток дека отчетот се однесува за некоја светска метропола, а не за осиромашената, деградираната и крајно депримираната Битола.
– Отчетот за Битола, за периодот 2005- 2012 година, несразмарно и несоодветно ја отсликува работата на локалната самоуправа, особено на Советот на општина Битола и неговите одлуки. За сметка на неадекватно вреднување на улогата на Советот, нереално се величат работата и „достигнувањата“ на градоначалникот.
– Отчетот во огромен процент ја отсликува простата репродукција на комуналната инфраструктура, или поразбирливо за граѓаните, замена на дотраени водоводни и канализациони цевки и други инсталации, поправка на тротоари, замена со нов асфалтен слој на дел од улиците во градот, замена на прегорени улични светилки и многу други секојдневни потреби.
– Овде мора да признаеме дека како новитет е вградувањето на бекатон плочки по тротоарите на битолските ,,булевари,,!!! Тоа е генералната содржина на Отчетот“, изјави координаторот на Советничката група на СДСМ Битола, Томе Наумов.
Повеќе во видеото.