Лидерот на Ал каеда, Осама бин Ладен, напишал писмо, во кое го повикува американскиот народ да му помогне на претседателот Барак Обама во борбата против климатските промени, и да го спаси човештвото.
Писмото било меѓу материјалите запленети од засолништето на Бин Ладен во Пакистан, каде што тој беше ликвидиран од американски командоси во мај 2011.
Писмото е дел од документите, които вчера беа обелоденети од администрацијата на Обама. Тоа е без датум и без потпис. Адресирано е: До американскиот народ. Според американски разузнавачки претставници, тоа е напишано од Бин Ладен, непосредно откако Обама го започнал првиот претседателски мандат.
Во писмото Бин Ладен ја критикува корпоративната контрола врз капиталот и корпоративните лобисти за финансиската криза во САД во 2007-2008. Тој ја критикува и војната во Ирак и во Авганистан.
Тој ги повикува Американците да почнат голема револуција за слобода, која ќе го ослободи американскиот претседател од тие влијанија. Тоа ќе го направи Обама способен да носи разумни одлуки за спасување на човештвото од штетни гасови, кои ја загрозуваат неговата судбина, пишува Бин Ладен.