Пред Уставниот суд во Скопје Локалната самоуправа го обжали Законот за изградба на слободни туристичко развојни зони, бидејќи според градските власти истиот целосно се кочел со децентрализацијата , а со него на општината целосно и се одземале ингеренциите.
„Ние тој предмет сигурно ќе го добиеме на Уставен суд. Со тој закон се што е покрај езеро ќе се прогласи за индустриска зона.
– Сакаат да ми ги одземат ингеренциите и да и ги предадат на Агенцијата за туризам. Нели тие зони се заштитени зони и пратениците на ВМРО-ДПМНЕ се залагаат тие зони да останат без градби, без хотели. Сега наеднаш илјадници квадратни метри треба да се изградат во Љубаништа. Доколку тие ја носат таа одлука важи, а ние не смееме тоа да го правиме“, изјави градоначалникот Александар Петрески.
Градоначалникот Петрески уште еднаш ги најави проектите за изградба на марина и пристаниште во населбата Грашница,како о изградба на пешачка патека од Грашница до Канео со што според него ќе заживее целиот тој дел на туристички Охрид.
Мики Трајковски