„Во време на СДСМ не постоеше министерство за здравство, туку министерство за бисери кои со пари на граѓаните им се подаруваа на министерките од редовите на СДСМ.
Друго јавноста не се ни сеќава дека СДСМ превземало во оваа значајна област. Тоа што СДСМ пропушти и упропасти во здравствениот систем требаат долги години да се надомсети.
Со кој образ СДСМ зборува за реновирање амбуланти, кога во време на СДСМ амбулантите беа руинирани и без елементарни услови за работа?
Во време на СДСМ во амбулантите имаше тоалети со супстандардни услови, таканаречено полско WC.
Такви услови во амбулантите затекна оваа Влада, и затоа приоритет за реновирање е ставен на амбулантите кои беа под секое ниво на човечко достоинство.
Амбулантата во Волково е комплетно реновирана после 52 години работа во услови во какви што ја остави СДСМ. Изградивме комплетно нов објект за амбулантата во Миладиновци во општина Илинден, каде што стариот објект беше сведок на негрижата на СДСМ за унапредување на здравството. СДСМ и оваа амбуланта ја остави во распаднати лимени бараки, како и многу други амбуланти низ државата.
Еден од приоритетите за 2016 година е комплетно реновирање на амбулантата Лисиче, за која веќе се подготвува проект, и тоа како инвестиција на Министерство за здравство, Здравствен дом Скопје и локалната самоуправа. Покрај Лисиче, приоритети за оваа година се и: поликлиника во општина Сарај, нова амбуланта Ѓорче Петров 2, исто така во заедничка соработка на Здравствен Дом Скопје, Министерствo за Здравство и локалната самоуправа.
Жителите од Лисиче добиваат здравствени услуги во поликлиниката Јане Сандански во која се обезбедуваат сите специјалистички здравствени услуги, функционира пункт на Итна медицинска помош, дежурен педијатриски пункт и инсулинска аптека. Од неодамна во оваа поликлиника воведовме дијагностика Компјутерска томографија, која за првпат е воведена на ниво на Здравствен дом, со што оваа значајна дијагностичка процедура станува подостапна за граѓаните.
Континуирано инвестираме во подигнување на нивото на квалитет на здравствените услуги во рамки на целиот Здравствен Дом Скопје. Од 2012-2015 во најсовремена медицинска опрема се инвестирани околу 70 милиони денари, од кои околу 19 милиони за најнов апарат за компјутерска томографија. Годишно се инвестираат од 15-17 милиони денари за градежни работи за реконструкција на објекти во рамки на Здравствен Дом Скопје и адаптација на кабинети.
Показател за инвестициите во Здравствен Дом Скопје е податокот дека минатата година 94% од пациентите третирани во Здравствен Дом Скопје добиле комплетна здр.услуга во рамки на Здравствен Дом без препраќање на повисоко ниво.
СДСМ освен во јувелирница немаат ништо инвестирано во здравствениот систем во Македонија. Оттука тоа што СДСМ денес го говори е чиста демагогија и манипулации. Затоа народот за овие манипулации ќе го казни СДСМ на следните избори со катастрофален пораз, како што приличи за десетиот јубилеен пат по ред“, велат од центарот за комуникации на ВМРО-ДПМНЕ.