„Гласноговорникот на денешниот прес од ВМРО-ДПМНЕ Прилеп, наместо лицемерно да се грижи за состојбите во СДСМ, нека се запраша колку од осомничените функционери од власта, ќе останат на слобода?
Нека одговори Г-дин Љупчо Котески, како му успеа да замине со финансиска отпремнина од Тутунски Комбинат Прилеп и веднаш после тоа да се вработи во Основен суд Прилеп, додека Прилеп тоне во безработица?
Колку пари од граѓаните на Прилеп се изнесени надвор од Македонија, колку во Австралија, а колку се трансферирани на офшор – дестинации и во европските банки?
Дојде времето кога Груевски и криминалците од власта ќе одговараат за сите злоупотреби и ќе мора да ги вратат украдените милиони евра, народни пари. Украдените пари, до денар ќе ги вратат назад, а криминалците ќе завршат во затвор и овој процес нема никој да го запре, ниту на централно, ниту на локално ниво!
Дојде крајот на „Миле ми текна“ и „Пиштење и вриштење“ политиката.
Граѓаните на Прилеп заслужуваат нов почеток“, се вели во соопштението на СДСМ Прилеп.