Пријавителите на седум тешки кражби на златен накит во куќи случени минатиот месец се и извршители на овие кривични дела откако полицијата презела мерки за откривање на сторителите по пријавените кражби во Тетово и селата Доброште, Орашје, Боговиње,Теново и Ново Село, информираше денеска портпаролот на СВР Тетово Марјан Јосифовски.
Според неговите податоци, било утврдено дека кражбите се фингирани и лажно пријавени односно пријавителите самите го одземале нивниот или накитот на нивните најблиски. За четири од кражбите во кој вкупната материјална штета се проценува на околу десет илјади евра веќе се изготвени соодветни поднесоци а за другите три ќе следуваат во најскоро време посочи Јосифовски.