Собранието на Република Македонија денеска ќе ја одржи 91. седница на чиј дневен ред е Предлог одлуката за избор на член на Советот на јавните обвинители на Република Македонија.
На пленарната седница пратениците ќе расправаат и за повеќе предлог закони и дополнување меѓу кои и за Законот за јавните набавки по скратена постапка, законите за домување и за работни односи во прво читање.
Собранието ќе расправа и по предлогот за изменување и дополнување на законите за железничкиот систем, внатрешна пловидба, гробишта и комунални услуги, комуналните дејности, за јавна чистота, за градење… сите во прво читање.
Пред пратениците се и предлозите за изменувања и дополнувања на законите за ученички стандард, за учебници за основно и средно образование, за наставници во основните и средни училишта, образование на возрасни, студентскиот стандард,… сите во прво читање.
Седница ќе одржи и Комисијата за труд и социјална политика која ќе расправа по Предлог измените на Законот за правата на воените инвалиди, на членовите на нивните семејства и на членовите на семејствата на паднатите борци и за измените на Законот за спречување и заштита од дискриминација и двата во прво читање.