За само 34 дена Владејачката гарнитура донесе одлука за формирање на два државни универзитети и сака да ја спроведе во Собранието на Р.Македонија. Со каква намера се прави целото ова не е многу тешко да се претпостави. Mеѓутоа постапка во која се прекршени сите законски процедури и критериуми за формирање на универзитет е неприфатлива, се разбира доколку се залагаме за квалитетно образование. Формирање на високобразовна институција за вработување на своите партиски кадри е уште еден популистички чекор на власта кој ќе му наштети на образованието. Со овој чекор власта ќе ги гетоизира помалите етнички заедници, доколку го тврдат спротивното тогаш предлагаме името на новиот универзитет за безбедност наместо Даме Груев да го носи името на председателот на Р.Турција, Реџеп Таип Ердоган кој е претставник и симбол на мултикултурализмот. Веруваме дека овој Наш предлог ќе биде подржан од трите турски партии во Македонија, особено од турската партија која е во коалиција со ВМРО ДПМНЕ и е во блиски односи со претседателот на Р.Турција.
Целата оваа процедура каде без да се направат анализи, да се утврди потребата и резултатите кои се очекуваат од формирање на нов универзитет, не потсеќа на интензивните реформи во образованието, кои во последниве години направија хаос во образовниот систем на Македонија. При тоа беше заборавена наставата на турски јазик, учениците кои следат настава на турски јазик и наставниците кои изведуваат настава на турски јазик. Со реформите беше заборавена мултиетничката реалност на државата и состојбата во образованието на наставните јазици на помалите етнички заедници, велат од НВО Уфук.