Германската тенисерка Анџелика Кербер го освои првиот Грен слем турнир, откако денеска во финалето на Австралија Опен ја совлада Американката Серена Вилијамс со 2-1.
Германката ги доби првиот и третиот сет со по 6:4, а вториот и припадна на првиот светски женски рекет со 6:3.
Финалето во Мелбурн заврши со 47 „винери“ за Вилијамс и 25 за Кербер, а односот на грешките е 46 за американската тенисерка наспроти 13 за победничката.
На тој начин Вилијамс остана на 21 трофеј од големите турнири и не успеа да го изедначи достигнувањето на Штефи Граф која има 22 Грен слем титули.