Генералниот секретар на ВМРО-ДПМНЕ, Емил Димитриев, ќе биде нов премиер во Владата, кој ќе дојде на местото на Груeвски во преодниот период, потврдија од партијата на власт, ВМРО-ДПМНЕ.
Претходно, премиерот од Владата во обраќање најави дека ќе поднесе оставка до Собранието, но која ќе биде условена и ќе важи на сто дена од изборите, кога и да се одржат.
Централниот комитет на ВМРО-ДПМНЕ вечерва одлуката ја донел едногласно, преодната влада да ја води генералниот секретар на партијата, Емил Димитриев.
На вечерашната прес-конференција Илија Димовски кажа дека комитетот му дава целосна поддршка на претседателот на партијата Никола Груевски за постапките кои тој ги презема за одржување на изборите.
– Нашата намера е да го затвориме овој деструктивен период и да се фокусираме на она што е приоритет на граѓаните. Во согласност со законите, премиерот на актуелната влада поднесува оставка 100 дена пред изборите, рече Димовски.
На прашањето што доколку се одложат изборите, Димовски одговори дека се надева дека кај СДСМ ќе надвладее разумот.