Во Струмица утрово во 5 часот се роди првото бебе во 2016 година. Здравото женско бебе, на свет го донесе мајката Кети Младенова, на која ова и е прво дете.
Од Гинеколошкото одделение информираат дека и мајката и бебето се наоѓаат во одлична состојба.
Инаку, новогодишната ноќ во Струмица помина мирно. На Интерното одделение во струмичката Болница во алкохолизирана состојба помош побарале осум лица од кои сите машки, а најмладиот има 15 години. И од Центарот за управување со кризи информираат дека ноќта поминала мирно.