„СДСМ е партијата која го воведе терминот „стечаец“ во Македонија со помош на криминалната приватизација и затворањето на 684 фирми.
СДСМ е партијата за која „стечаец“ никогаш не стана ништо повеќе од само неколку букви една до друга, а не човек со судбина за која одлучуваа учесниците во криминалната приватизација.
За да го покрие СДСМ срамот од фабриката за афери до избори ќе ветува и брда и долини. И по тројца вработени од секое семејство и по милион евра субвенции и бесплатни струја, вода, куќи и станови за граѓаните на Република Македонија. Ова кај народот не им проаѓа.
За разлика популистичките манипулации на СДСМ позната како партијата која ги создаде стечајците, ВМРО-ДПМНЕ е првата партија која донесе закон за решавање на статусот на стечајците.
Ваквите предизборни залудни обиди на СДСМ да собере некоја трошка од процентните поени за колку толку да го подобри рекордно нискиот рејтинг, не проаѓаат кај народот.
Десетти пат по ред СДСМ и Фабрикантите за афери и манипулации ќе бидат казнети од народот на 24 април.
За 117 дена доаѓа крајот за ваквиот СДСМ“, се вели во реакцијата на ВМРО-ДПМНЕ на прес конференцијата на Маријанчо Николов.