Безбедносно информативната агнеција на Србија го известила потпретседателот на владата Александар Вучиќ дека пред три дена Министерството за внатрешни работи издало налог да му се прислушува телефонот, а дека претседателот на Србија Томислав Николиќ го прислушуваат подолго време, пренесе вечерва РТС.
Налогот за прислушување на Александар Вучиќ издаден бил по барање на „интересни групи“ со помош на некој од врвот на полицијата.
Како што се наведува, на Вучиќ му е засилено обезбедувањето, а обвинителството покрена истрага.
Претседателот Томислав Николиќ уште синоќа кажа дека му го прислушуваат телефонот.
„Ние упаднавме во „змиско гнездо“, помеѓу луѓе кои ги користат високите функции во многу служби за да ги контролираат луѓето, помеѓу луѓе кои се дрзнаа да ме прислушуваат најшрво мене, а потоа и Александар Вучиќ. Тоа ќе мора да се истражи до крај, така во Србија нема да може да се живее“, рече Николиќ.