„Без резултати и без идеи, грогираниот боксер што ја нокаутираше Македонија се плаши од слободни, фер и демократски избори.
Премиерот во заминување, Никола Груевски, ги дели експертите по партиска припадност применувајќи тактика на одолговлекување и непочитување на Договорот од Пржино.
Тоа е еден од последните крикови на Никола Груевски пред да одговара за корупцијата и криминалот во изминатите 10 години.
Република Македонија ќе стане нормална држава само со вистински, независни експерти, без наши и ваши, без експерти на ВМРО-ДПМНЕ, на СДСМ, на ДУИ или на ДПА.
Што се однесува до ДИК, мора да се изберат експерти според нивните професионални и стручни квалификации а не според партиска припадност.
На Македонија и се неопходни слободни, фер, демократски и регуларни избори. Значи не избори заради избори, туку беспрекорен предизборен и изборен процес.
Груевски се плаши од слободни, фер и демократски избори затоа што знае што мислат граѓаните: збогум Никола“, се вели во соопштението на СДСМ.