Изгоре млинот за жито и управната зграда во фабриката за леб и бели печива “Житомел” во Куманово, сопственост на тутунскиот бос осуден во случајот “Пепел” Бајруш Сејдиу. Пожарот избувнал во 11 часот, а причинета е голема материјална штета.
-Интервениравме со 4 возила и успавме да го локализираме пожарот и да го ставиме под контрола. Зградите внатре се обложени со дрво и затоа огнот многу бргу се прошири и ја зафати покривната конструкција. Kако е предизвикан пожарот и колкава е штетата ќе утврдат надлежните служби – изјави Дејан Илиевски, командир на противпожарната единица Kуманово.
Пожарот го забележале станарите од соседните згради, кои кажуваат дека првин слушнале силна експлозија, по што почнале да летаат прозорските стакла и зградите ги опфатил густ чад.
Градоначалникот на Куманово, Зоран Дамјановски ги посети опожарените објекти и побара од надлежните да ја забразаат стечајната постапка и да ја решат сопственоста на “Житомел”.
