Владата вети, па се премисли, повторно, по четрвти пат, го одложи за 12 месеци зголемувањето на платите на администрацијата за 5 проценти.
Опозицијата се согласува да нема покачување на платите на избраните функционери, но инсистира административците да си ги добијат ветените 5% поголеми плати.
Владата се правда дека единствено во Македонија нема намалување на администрацијата или отпуштања. Но останува ветувањето кое ќе се исполни по 12 месеци, и дека во март ќе се зголемат пензиите.
„Се е фарса. Пари нема во буџетот, а се троши ненаменски. Во пресрет на изборите Владата лаже дека ќе има пари. Гласно ќе се каже дека ќе се зголемуваат платите и пензиите пред изборите, а се знае дека дупката во Буџетот , а особено во пензискиот фонд е огромна.Ова е се во корелација со Скопје 2014, зошто Панорамското тркало не се намали, туку нема пари за плати и пензии“, праша весна Бендевска.
„Царот е гол. Владата призна дека нема пари во буџетот. Ако не се трошат пари за се, за мртви луѓе и споменици , ќе имаше пари за живите луѓе. Не ги лажете граѓаните дека ќе ја зголемувате социјалната помош. Ова е доказ за неуспешните политики на власта“, рече Цветанка Иванова.
За Веле Георгиевски ова е ловење политички поени.
„Недопустливо е да се каже дека Владата на ВМРО-ДПМНЕ нема да ги зголеми платите и пензиите. Ова е само одложување на зголемувањето“, реплицираше Георгиевски.
Иванова го праша дали и луѓето треба да ги одложат животите за една година. Праша зошто претставниците од ВМРО-ДПМНЕ секогаш кога носат штетни граѓаните говорат за минатото и за другите држави.