Градоначалникот на Град Скопје Коце Трајановски денеска ќе додели признанија на три ресторани и три гостилници за Најдобар угостителски објект меѓу најдобрите за 2015 година.
Изборот се организира традиционално кон крајот на тековната година, а Градот Скопје за реализација на проектот ангажира професионална агенција со експертско знаење и искуство во анализа на квалитет на услуга.
Оценувањето се врши преку директна посета од независни и објективни тајни купувачи/гости кои го истражуваат и го оценуваат квалитетот на услугата според однапред утврдени критериуми.