Најдобрата македонска тенисерка Лина Ѓорческа во игра на двојки со нејзината партнерка Ива Приморац од Хрватска го освоија фјучрсот во Анталија.
Тие денеска во финалето ги победија првите носителки Алона Фомина (Украина) и Кристина Шаковец (Германија) со 2-1.
Ѓорческа и Приморац го добија првиот сет со 6:4 во гемови. Во вториот сет беше 6:4 за Фомина – Шаковец, па се играше трет решавачки сет. Во него по голема борба, со 13:11 на поени славеа Македонката и нејзината партнерка.
Лина успешно настапува и во сингл конкуренција на овој турнир. Таа во полуфиналето со само три загубени гема ја победи Гиулнара Назарова од Украина со 6:3 и 6:0 во сетови. Во финалето нејзина противничка ќе биде Алиса Клејбанова од Русија.
Русинката во второто полуфинале ја совлада Менди Вахемејкер од Холандија со 2:0 во сетови.