Македонската тенисерка Лина Ѓорческа забележа две нови победи на фјучрсот во Анталија. Таа денеска најпрвин во сингл конкуренција ја победи Анастасија Вдовенко од Молдавија со 2:0 во сетови.
Мечот траеше 58 минути, а противничката на Ѓорческа освои само три гема (6:1 и 6:2 во гемови). Во следното коло (полуфинале) таа ќе игра со квалификантката од Украина 17-годишната Гиулнара Назараова, која ја победи Александра Поспелова од Русија.
Во полуфиналето во конкуренција на двојки попладнево Ѓорческа со Ива Приморац од Хрватска ги победија Алина Фолц (Узбекистан) и Александра Поспелова (Русија). Првиот сет Ѓорческа и Приморац го добија со 6:2 во гемови, а во слениот беше 6:4 за ривалките. Во решавачкиот сет Ѓорческа и Приморац беа поуспешни со 10:7 на поени.
Тие утре во финалето ќе играат против првите носителки Алона Фомина (Украина) и Кристина Шаковец (Германија).