Единствен македонски претставник во еврокуповите, тимот на Куманово вчеравечер на гостувањето во Полска го претрпе вториот пораз во ФИБА Eврокупот.
Во 3.коло од Ј-групата, Куманово загуби од Роса Радом со 84:75 (23:14, 25:18, 14:24, 22:19).
Домаќините клучната разлика ја направија во првото полувреме кога македонскиот вицешампион прикажа слаба игра. По првите 20 минути Роса Радом имаше предност од 16 поени 48:32. На стартот на второто полувреме Куманово започна да го намалува убедливото водство на противникот , но на крајот сепак немаше сили за конечен пресврт.
Најистакнати кошаркари во редовите на Куманово беа, Урош Луковиќ со 27 поени и 12 скока и капитенот Костоски со 16 коша и девет асистенции.
Следниот дуел на кумановци во ова натпреварување е против Турк Телеком во среда на домашен терен.