Македонската тенисерка Лина Ѓорческа заедно со Ива Приморац од Хрватска успеаја да се пласираат во финалето на фјучрсот во Анталија.
Тие денеска во полуфиналето ги победија белгиските тенисерки Морган Михелс и Елиеса Ванлангендонк со 6:2 и 6:3 во сетови. Утре во финалето ќе играат против Гилнара Назарова (Украина) и Александра Поспелова (Русија).
Инаку, денеска Ѓорческа успешно го мина четвртфиналето откако нејзината ривалка Јана Тишченко од Молдавија го предаде мечот при резултат 6:3 и 3:0 во вториот сет.
Утре во полуфиналето во поединечна конкуренција, каде Ѓорческа е прва носителка ќе игра против Ксу Лиу Сун од Кина (3.носителка, 438.место на ВТА).