Претседателот на СДСМ, Зоран Заев попладнево се сретна со амбасадорката на ОБСЕ во Македонија, Нина Суомалајнен.
Актуелната политичка ситуација во Македонија и обезбедувањето услови за фер и демократски избори беше тема на состанокот.
Претседателот Заев зборуваше со амбасадорката Суомалајнен за најновите информации во преговарачкиот процес околу Договорот од 2 јуни / 15 јули.
-Посветени сме на спроведување на Договорот од 2 јуни / 15 јули. Очекуваме ваква сериозност од сите страни и продолжување на реализацијата на преземените обврски во најкусо време, рече претседателот Заев.
Тој нагласи дека следните избори мора да бидат фер и регуларни со полн легитимитет, бидејки тоа е решението за политичката криза во Македонија.
-Правиме внимателни чекори во таа насока и цврсто сме определени за стабилизација на државата, соопшти претседателот Заев.