Обезбедуваме квалитетно јавно здравство достапно за сите граѓани. Овозможуваме брзи и ефикасни услуги. Услов за набавка на лекови и вакцини е квалитетот, а не ниската цена. Ги покачуваме платите за здравствените работници, велат од СДСМ.
Македонија сега е на последното место во Европа по здравствени услуги, според Европската служба за здравствена заштита.
Лекарски кадар недостасува. Најдобрите лекари масовно ни заминуваат. Бројките се поразителни. Дури 200 лекари годишно се иселуваат од Македонија.
Нема квалитетни лекови, нема медицински материјали.
Опрема по болниците или нема или стои во кутии неупотребена.
Над 600 милиони евра се потрошени на споменици, а луѓе ни умираат.
СДСМ има Визија како да ги промени состојбите во здравството.
Вечерва во 19:00 часот, во хотелот Дрим во Струга ќе се одржи дебата на тема Квалитетно јавно здравство за сите. Визијата на СДСМ ќе ја споделат со вас граѓаните потпретседателот на СДСМ, Александар Кирацовски, претседателот на Комисијата за здравство, Гоце Чакаровски, потпретседателката на СДСМ, Фросина Ременски. Потоа ќе биде отворена дебата со присутните граѓани.
Сакаме да ги слушнеме и вашите визии.
Заедно можеме да се избориме за квалитетно јавно здравство, достапно до сите.